احلى دارمي عتاب بين الاحبة

شخص شغلته الظرووف عن حبيبته التي قلقت عليه فتقول له بعد ان التقيا:

هي :



وينك يابعد الروح ما تكلي وينك
مو تدري صار اسبوع ما سامعينك



هو :


ادري انه صار اسبوع ماسمعتي صوتي
مرت عليه ايام شفت انه موتي



هي :


سالم يابعد الروح انت وحياتك
والله انه اموت الروح لو جت مماتك



هو:


روحي ويا روحج دوم مشدودة فد شد
وحبج سكن بحشاي واتعده كل حد



هي :


محد سكن بالروح بس انت وحدك
لو تدري صار اسبوع موتني بعدك



هو :


ما ابعد وما روح ما اريد اعوفج
لن عيني عميه تصير لو ما اشوفج



هي :


شما تروح بعيد ابقى انه اريدك
والكلب يا المحبوب سلمته بيدك



هو :


كلبج جبير هواي يسلملي كلبج
ومهما يصير بعاد ابقى انه احبج.

صح لسانك عدنان