الرئيسية
التسجيل
الابراج
من طرف عراقي وصرت منبوذ آنه اليوم ،وتلوم الناس بيّه
ممحصل أنا أي شي ؛ بس الهويّة
واحد يگول بعتوها ، أو واحد يگول إرهابيّة
أو واحد يگول صرتوا عدنا هواية، ويريد يسد بابه عليّه
أتمنيت أگعد من النوم ،والگه واحد مثل زايد عليّه
ويگولي هاك حصتك من النفطات ، روح توّنس شويّه
وأتمنيت نرجع للعراق اليوم ، وأسد حدودي عليّه
وأگول ممنوع دخول ولد اليهودية وممنوع دخول كل جنسية ، عجمية وعربية
وألگه شعبي فرحان، وبغداد كلها مضوية
ولا شيعي ولاسني ، ولا كتل على الهويّة
وأشيل الحكومة كلها ،والعن أبو الطائفية
وأحطهم بجدر حامي ، وأسويهم هريسة للحسينية
ونبني مول چبير، بصف نادي الهندية
وأضوّي العرصات وتنظفها البلدية
ويرجع أبو نؤاس والچادرية
والكرّادة وزيّونة والحارثية
وأسوي ملعب چبير من الثورة للحريّة
وبنص دجلة برج چبير ،على عناد الخليجيّة
وأسوّي نافورة طويلة، أطول من نافورة جدّة بالسعودية
ويرجع كل عراقي بأوربا وأمريكا وبالدول العربية
وترجع بغداد حلوة ؛ على عناد إيران والدول العربية
بس مو كلها تريدوها هسّه !!!هاي بسنة
2100
العمل/الترفيه
