الرئيسية
التسجيل
الابراج
العمل/الترفيه
من طرف اريد اتغزّل بكلبك
وأريد أحجيها طكَ بطكَ ..
وأريد أوكَف عمد يمّك وعين ابعين
وانت ادرى بصلافة روحي من تعشكَ ..
من تحجي العسل يتناكَط أمن شفاك
وميزان وثريّة ابخدّك اتمعلّكَ
وخصرك جنه كاغد اعتني بممشاك ..
يا رقّة ورق وابّوسة تتشكَكَ
وكلّي يكَوم يصفن من تناغي الروح
ولساني الطويل اكَبالك اتطبّكَ
يا عين الفلا ويا حنّة العرسان
باطل كل حجينة وبس جمالك حكَ
ولا تدنة الشمس والكعبة هايم بيــــك
وخاف اعلى الشمس من شوفتك تزلكَ
وبعيونكَ السوده لا تلاوي بحور
وخطية البحر هم زحمــة يتغرّكَ
وانه أدري ألكَمر ما جان فوكَ هناك
من عاين جمالك وحّدة تعلّكَ