منتديات اكاديمية الفنون الجميلة

كل الهلا بيكم

و بنسماتكم الي تمر علينه

نتمنى تواصلكم ويانه ... و تسجيلكم معنا
منتديات اكاديمية الفنون الجميلة

منتديـــــــات فنيــــة .. ترفيهيــــــــة .. ثقافيــــــة


    قصيده عراقيه

    شاطر
    avatar
    عيون العالم
    صحـــــــــافة الفنون .. مشرفة الاخبار
    صحـــــــــافة الفنون .. مشرفة الاخبار

    انثى الابراج الابراج : الجدي الأبراج الصينية : الثور
    عدد المساهمات : 16
    نقاط : 36
    السٌّمعَة : 0
    تاريخ الميلاد : 01/01/1986
    تاريخ التسجيل : 01/08/2010
    العمر : 32

    قصيده عراقيه

    مُساهمة من طرف عيون العالم في الإثنين أغسطس 02, 2010 3:48 pm



    مل مني القلم ومن القلم مليت
    عمت عينه قلمنه الما نفع شِعره

    تعب حته الشِعر ويه العراقيين
    وصار بحال اهلنه وبالعراق ادره

    رسمت حروف العراق برسم فنان
    وجمعت اربيل والانبار والبصره

    وگلت لازم حروفي توحد الخوّان
    ما معقوله هيچ تصير فد مره

    ورديت ولگيت دموع عالوجنات
    حروف الي رسمتهه اليوم متطشره

    كردستان تحچي بزودهه وتگول
    احنه العاصمه وبغــداد متأخره

    والانبار شالت سيف عالخوان
    لو ليه الحكم لوفلّش الاسره

    والبصره تگول احنه نريد اقليم
    ومن نفط العراق الكُم فقط عُشره

    وشفت للفتنه والله العراقيين
    دون حروف جر يا ناس منجرّه

    مذبوحه المحبه وناس تكره ناس
    سويه الي يحب والقابض الجمره

    حته الورد ما يرضه بعد بالماي
    من دمنه تريد الورده والشجره

    رقم جبنه قياسي بالقتل والموت
    وصرنه اول شعب نص اهله متهجره

    نهر دجله يـا ناس من الجثث غرگان
    خلي نمد ادينه لدجـــــــــله وانجرّه

    على جثثنه ادور هالفضـــــــــــائيات
    ياهو الي يصــــور ياخذ الاجــــــره

    معصوبه العـــــيون مچتفه الايدين
    وانواع الرصاص يچوب بـــــصدره

    لا اهله اجوي وچــــــــفّنوا بچـــفان
    مجــــهوله الـــهويه ومن درة بأمره

    اذا امّه الــــحنونه الصايمه برمضان
    ما اكــــلت اكلهه وبقت تـــــــنتضره

    تنــــــتضره يرد وتريد تحــجي وياه
    اثاري العيـــــــــد لازم ينگطع مهره

    لان باعت ذهبهه بشارع الصياغ
    حته تزوج ابنهه الما فرح عمره

    ما نامت بقت سهرانه كل اليل
    ايا ليل العراق الما بزغ فجره

    وما جاهه صبر طلعت تدور عليه
    مثل طلعة حمامه بعينهه العبره

    وما شافت ابنهه وجاهه ملك الموت
    تعرف شنهي يعني تموت بالحسره ؟؟

    معناها الفرح صاير مثل رجال
    شايل ورده بيده وخنجر بضهره

    معناها عراقك كاتل ومكتول
    سوده گلوبهم وعقول مفتره

    وكل هذا ويگلي احنه العراقيين
    سنه وشيعه عشنه الحلوه والمره !!

    لا والله چذب احنه العراقيين
    سنه وشيعه مثل الضره عالضره

    ملينه الچذب وليمته وليا دوب
    واقع حال لازم نخضع لامره

    ملينه الچذب وليمته وليا دوب
    قصايدنه اجت للناس متأخره

    نعم خوان احنـــــــــــــــــــــه
    نعم خوّان احنه وياك آني بهاي
    بس مو من بعد تفجير سامرّه

    بعد تفجير سامرّه العراقيين
    مثل فلم الرعب ودمايته الحمره

    مو فتنه صحيح الصايره ابّغداد
    سونامي الفتن بغداد منتشره

    قتل مو عالهويه هواي متوهمين
    صارت عالاسم گص راسه ويشمره

    واليگلي تبالغ انته حيل بهاي
    جبت حجه ودليل وياي هالمرّه

    اتحده بكر واتحده ابو الخطاب
    افن واحد البيهُم يوصل الثوره

    واتحده على واتحده هم حسين
    اذا فلوجه طبهه ومنكسر ضهره

    صـــــــــفر كل النتايج للعراقيين
    بس بالفتنه جابوا عشره من عشره

    هذا يگول سني ناصبي اغتالوه
    وهذا يگول شيعي رافضي نكفره

    ضلّوا بهالسوالف يا خزي ويا عار
    واسرائيل علگت نارهه الــــــكبره

    يول وين الــــــــشرف گدامكم بغداد
    شــــــگّوا ثوبهه واخذوهه متأسره

    غتصبوهه الكُفر ... ما تسمعوهه تصيح
    آنه ام الــــــــــــشرف واليوم مو عذره

    بعد والله ما يــــــــــــــنفعنه قيل وقال
    لات كـــلشي انتهه وانكــــسرت الجرّه


    مرحوم الـــــــعراق استشهد من سنين
    يا وسفه صفـــت أشلائه مـــــتنثره

    متنـــثره بمزابل يمـــهه كوم چلاب
    اكلت من لــــــحومه وما درت سرّه

    صــــير وياي بس هالمره اترجاك
    عيب من الــــــــــــعراق اليوم نتبرّه

    صعبه بمزبله جثة الــــــــعراق تصير
    خلي نشــــــــــيله منهه وندفنه بگبره





    علي الحداد

    ذكر الابراج الابراج : السمك الأبراج الصينية : الفأر
    عدد المساهمات : 19
    نقاط : 51
    السٌّمعَة : 0
    تاريخ الميلاد : 29/02/1984
    تاريخ التسجيل : 31/07/2010
    العمر : 34

    رد: قصيده عراقيه

    مُساهمة من طرف علي الحداد في الخميس أغسطس 05, 2010 6:53 pm

    عاشت الايادي
    avatar
    جيفارا
    صاحب الأمتيــــــاز
    صاحب الأمتيــــــاز

    ذكر الابراج الابراج : السمك الأبراج الصينية : الثور
    عدد المساهمات : 250
    نقاط : 353
    السٌّمعَة : 3
    تاريخ الميلاد : 19/03/1985
    تاريخ التسجيل : 08/07/2010
    العمر : 33
    الموقع : عراقي بدمـــــي
    العمل/الترفيه العمل/الترفيه : طالب ... و معلــــــم
    المزاج : متقلب

    رد: قصيده عراقيه

    مُساهمة من طرف جيفارا في الخميس أغسطس 12, 2010 3:38 am

    تسلم الايادي عالقصيده الرائعه

    تحياتي الج


    تقبليني


    _________________


    avatar
    sandejoni
    فنان مبدع
    فنان مبدع

    انثى الابراج الابراج : السرطان الأبراج الصينية : القط
    عدد المساهمات : 81
    نقاط : 147
    السٌّمعَة : 0
    تاريخ الميلاد : 09/07/1987
    تاريخ التسجيل : 31/07/2010
    العمر : 31

    رد: قصيده عراقيه

    مُساهمة من طرف sandejoni في الجمعة أغسطس 13, 2010 6:41 pm


    صح لسانك يا أصيله
    انشالله التألق الدائم

      الوقت/التاريخ الآن هو الجمعة أكتوبر 19, 2018 8:38 am